பிடரி நொந்து , உளைந்து,குத்தி,வலித்து இடறி புயத்தில் இழுத்து முதுகு நோவாய் தொடர்ந்து தலையில் குத்தி பிடரி வாங்கும் அரும் கண் அயரும் பிடரி வாதமாமே

பொற் புயத்தில், கையில் சேர்ந்திடும் வாங்கி வருந்தவே உளைந்து குத்தி வசமற அழுந்தி வீங்கும் இது பொருந்திய புயவாதத்தின் குணமெனப் புகன்றார் அன்றே

.முதுகினில் விறைத்து குத்தி முடக்கதாய் கழுத்து உளைந்து கடினமாய் உவாதி செய்யும் அதிகமாய் முதுகு வாதம் செய்குணம் அறையும் காலே

இடையினில் பிடித்து குத்தி நலியவே கொதிப்பும் உண்டாய் பாரிய இடுப்புச்சந்து பகர்ந்திடில் மிண்டி பூட்டி வீரிய நடை கொடாது விரைத்து உடல் புண்போல் நோவு உண்டாகும். சீரிய தண்டுவாதம் செய்குணம் செப்பும் காலே

சந்தினில் பொருந்தி, குத்தி சடுதியாய் வீங்கி ,நொந்து உடன் திரும்பொண்ணாது, திரும்பிடில் உளைந்து வீங்கும் சுந்தர மையினேர் சந்துவாதம் பகரும் காலே. சந்தை பற்றி விடாமல் நின்று சாய் நேரத்தில் மிகுத்துளைந்து நொந்து அப்படியே நோக்கங் கெட்டு. இந்தபடியே இடறு பண்ணும் வருத்தும் சந்துவாதம் இதே

தொடையினில்குத்தி சுருங்கியே திமிர்ந்து வீங்கி பார் உற நடை கொடாது பரந்து உடன் உளைந்து நோகும் சீருறு தொடைவாதம் செய் குணம் சிறந்து காணே

காயம் (உடல் )குத்திடும், கடுக்கும் வீங்கும் பரந்து நோவாய் எங்கும் உளைந்திடும் மயக்கம் சாரும் பிடித்திடும் எழும்பொண்ணாது மார்பதைக்கும், அன்னம் குறையும், நடை கொடாது துயருற நடுக்கி வீழ்த்தும் கடுத்திடும் களைக் கூடும் கடுஞ்சர்வாங்க வாதம் பகர்ந்திடடிற் கடினமாமே